--- title: "Wou fanne mir Liicht Sprooch am Alldag zu Lëtzebuerg?" description: "Wou fannt Dir Liicht Sprooch zu Lëtzebuerg? Informatiounen iwwer Guichet.lu, Infocrise.lu, Walinformatiounen a Dokumentermodeller. FALC a Leichte Sprache fir méi Accessibilitéit am Alldag." image: "https://www.liichtsprooch.lu/wp-content/uploads/2025/11/easy-read-document.jpg" url: "https://www.liichtsprooch.lu/liicht-sprooch-blog/publikatiounen/liicht-sprooch-am-alldag-entdecken/" date: "2025-10-12T19:01:00Z" modified: "2026-06-07T18:56:17Z" --- Vläicht frot Dir Iech: “Wou fanne mir eigentlech Liicht Sprooch zu Lëtzebuerg?” D’Äntwert: Op ëmmer méi Plazen! Mir weisen Iech déi wichtegst Beispiller. ## [Guichet.lu](http://Guichet.lu) – De Portal fir Verwaltungsservicer Zanter Dezember 2019 huet d’Redaktiounsekipp vu [Guichet.lu](http://Guichet.lu) eng Serie vu Fiches descriptives a Liichter Sprooch op Däitsch publizéiert. Am Juni 2022 ass déi éischt Fiche och am FALC (Facile à lire et à comprendre) verfügbar ginn. **Wat fanne mir op [Guichet.lu](http://Guichet.lu) a Liichter Sprooch?** Déi éischt Fiche a Liixhter Sprooch war de Pacte civil de solidarité (PACS). De Rubrique “Easy-to-read” op [Guichet.lu](http://Guichet.lu) bitt elo e grousse Choix u Prozeduren, déi souwuel op Däitsch wéi och op Franséisch a Liichter Sprooch geschriwwe sinn. **Wéi eng Theme gi behandelt?** Fichen op [Guichet.lu](http://Guichet.lu) betreffen all d’Beräicher vum Alldag vun de Bierger. Beispiller: - PACS (Zivilpakt) - Ëmzuch deklaréieren - Walprozeduren - Sozial Hëllef - Familjen-Dokumenter Fir d’Gemengewalen 2023 huet [Guichet.lu](http://Guichet.lu) nei Informatiounssäiten a Liichter Sprooch publizéiert déi d’Prozedure fir d’Gemengewalen zu Lëtzebuerg erklären. Méi Rezent, am Abrëll 2026, ass en Artikel iwwer de “[Bilan 30](https://guichet.public.lu/de/leichte-sprache/famille-education/famille/bilan-30.html)” a Liichter Sprooch publizéiert ginn. **Wéi eng Sproochen?** Op [Guichet.lu](http://Guichet.lu) fannt Dir Texter haaptsächlech an: - **Leichte Sprache** (Däitsch) – déi meescht Texter - **FALC** (Franséisch) – zanter 2022 - D’Lëscht gëtt reegelméisseg erweidert **E grousse Succès** Am Januar 2020 huet RTL bericht datt an dem Joer iwwer **3000 Opriff** vun den Internetsäite mat Artikelen a Liichter Sprooch gezielt goufen. De Feedback vun den Utilisateure war positiv. De Pilotprojet vum CTIE huet gewisen datt et eng grouss Demande fir Texter a Liichter Sprooch gëtt. ## [Infocrise.lu](http://Infocrise.lu) – Wichteg Informatiounen am Noutfall Op [Infocrise.lu](http://Infocrise.lu) fannt Dir wichteg Dokumenter a Liichter Sprooch iwwer verschidden Noutfallsituatiounen: **Verfügbar Dokumenter:** - [Was tun bei Atomalarm?- leichte Sprache (Pdf, 568 KB)](https://infocrise.public.lu/dam-assets/publications/leichte-sprache/ls-atomalarm-de.pdf) - [Was tun bei Hochwasser? – leichte Sprache (Pdf, 447 Ko)](https://infocrise.public.lu/dam-assets/publications/leichte-sprache/ls-hochwasser-de-v20-version-finale.pdf) - [Que faites-vous quand il y a des inondations?-facile à lire (Pdf, 438 Ko)](https://infocrise.public.lu/dam-assets/publications/leichte-sprache/ls-hochwasser-lu-alert-traduction-fr-v20-version-finale.pdf) - [Was tun bei viel Regen? – leichte Sprache (Pdf, 364 Ko)](https://infocrise.public.lu/dam-assets/publications/leichte-sprache/ls-regen-de.pdf) - [Que faire quand il pleut beaucoup? – facile à lire (Pdf, 372 Ko)](https://infocrise.public.lu/dam-assets/publications/leichte-sprache/ls-regen-fr.pdf) **Firwat ass dat esou wichteg?** Am Noutfall muss jidderee wësse wat ze maachen ass. D’Broschür “Wat maache mer bei Atomalarm?” zum Beispill gëtt et a ville Sproochen (Däitsch, Englesch, Franséisch, Lëtzebuergesch a Portugisesch). D’Informatioun muss séier a kloer sinn – fir jiddereen. **Méi wéi nëmmen Texter** [Infocrise.lu](http://Infocrise.lu) bitt: - PDF-Dokumenter zum eroflueden - Kloer Instruktioune mat Biller - Informatiounen iwwer Apps wéi GouvAlert - Erklärunge vun de Sirenen-Signaler D’Matarbechter vum Inneministère hunn d’Texter a Liichter Sprooch zesumme mat Klaro an der Préifgrupp vun den APEMH-Atelieren erstallt. D’Piktogrammer kommen och vu Klaro. ## Zentrum fir politesch Bildung (ZPB) – Informatiounen iwwer Walen 2017 huet den ZPB schonn zesumme mat Klaro en Heft an e Plakat zu de Gemengewalen a Liichter Sprooch erausginn. **Accessibel Walen zanter 2023:** Fir d’Parlamentswalen 2023 huet d’Regierung zesumme mat Klaro, dem ZPB, Info-Handicap an anere Partner e ganze Pak u Moossnamen agefouert fir Walen accessibel ze maachen: - Walinformatiounen a Liichter Sprooch (Däitsch, Franséisch, Englesch) - Taktil Walmodeller fir Leit mat visueller Behënnerung - Transportmëttel (Adapto) fir den Transport zum Walbüro - Walrecht fir all Erwuessener, och déi ënner Tutelle - Verbesserte Layout vum Walziedel mat Logoe vun de Parteien - Informatiounsowender mat Politiker fir Leit mat Liesschwieregkeeten ## Mediation Scolaire – Schoulsituatiounen verstoen D’Mediation Scolaire bitt Informatiounen a Ressourcen un, déi hëllefe Schoulsituatioune besser ze verstoen. Op hirer Websäit fannt Dir Texter a Liichter Sprooch (op Däitsch), déi souwuel d’Roll vun der Mediatioun wéi och d’Rechter vu Schüler erklären. **Wat ass besonnesch?** Op [MediationScolaire.lu](http://MediationScolaire.lu) ginn Texter an der däitscher Liichter Sprooch presentéiert, awer et gëtt och eng Versioun op Lëtzebuergesch an einfacher Sprooch – well et nach keng ofiziell lëtzebuerger Reegele fir Liicht Sprooch gëtt. ## Dokument-Modeller: Alldag-Dokumenter einfach verstoen Klaro huet och e puer Dokument-Modeller entwéckelt, déi fir jidderee fräi zur Verfügung stinn: **1. Bail (Mietvertrag) a Liichter Sprooch** E Bail huet oft komplizéiert Juristesch Säz. De Bailmodell a Liichter Sprooch hëlleft Leit déi e Wunnraum lounen hir Rechter a Pflichte besser ze verstoen. **2. Paiziedel (fiche de Paie) a Liichter Sprooch** De Paiziedel ass voll mat Ofkierzungen a komplizéierte Begréffer. E Modell a Liichter Sprooch hëlleft Aarbechter ze verstoe wat si verdéngen a wat ofgezu gëtt. ## Op wéi engen aner Plazen? **Kulturell Institutiounen:** Muséeën a Bibliothéike fänken un Texter a Liichter Sprooch unzebidden. Dëst mécht Kultur méi zougänglech fir jiddereen. **Gesondheetsinformatiounen:** Verschidde Gesondheetsinformatiounen, besonnesch zum COVID-19, goufen wärend der Pandemie a Liichter Sprooch verfügbar gemaach. **Gemenge-Informatiounen:** Ëmmer méi Gemenge fänken u wichteg Informatiounen a Liichter Sprooch ze veröffentlechen. --- **Quellen:** - [Guichet.lu (2022): “Guichet.lu publie sa première fiche descriptive en français facile”](https://gouvernement.lu/fr/actualites/toutes_actualites/communiques/2022/06-juin/28-francais-facile.html) - [RTL (2020): “Mat Hëllef vun der liichter Sprooch den Online-Zougrëff vereinfachen”](https://www.rtl.lu/news/national/a/1453901.html) - [Infocrise.lu](http://Infocrise.lu): Leichte Sprache Rubrique - [Projekt-Dokumentatioun: ZPB Facebook Post 2017](https://www.facebook.com/ZentrumfirpoliteschBildung) - [elections.public.lu (2023): “Accessibel Wale fir jiddereen”](https://elections.public.lu/) - [Gouvernement.lu (2024): “Création d’une nouvelle thématique Inclusion”](https://guichet.public.lu/fr/citoyens/actualites/2024/juin/21-inclusion.html)